Рахимжанов Берік

17 қыркүйек 2019
Рахимжанов Берік-Қарағанды облысы ТЖД Өрт сөндіру және авариялық-құтқару жұмыстары қызметінің № 27 өрт сөндіру бөлімі бастығының міндетін атқарушы. 

2019 жылдың ағымдағы өрт қауіпті кезеңінде Қарағанды облысы Ақтоғай ауданының Ортадересін, Сарытерек, Қарабұлақ, Жидебай, Қарамеңді би ауылдық округтері аумағында табиғи өрттерді сөндіру кезінде ерекше көзге түсті.

Өрт сөндіру жетекшісі рөлінде Б. Х. Рахымжанов 2019 жылы 6 шілдеде Бектау-ата шатқалына, 2019 жылы 24 шілдеде Нарманбет ауылына, 2019 жылы 30 Шілдеде Моласу қыстағына және 2019 жылы 31 Шілдеде Қособа қыстағына жақын жерде орын алған өртті сөндіруге қатысты.

Осы өрттерде Б. Рахымжанов қиын ауа райы жағдайына, қатты ыстыққа және екпінді желге қарамастан сенімді және сауатты әрекет етті. Өрт сөндіру кезінде шешуші бағытты дұрыс анықтады, жеке құрам жеке үлгі ретінде танытты. Ерікті өрт сөндіру құралымдарымен және әкімдіктердің өкілдерімен өзара іс-қимыл және үйлестіру мәселелеріне кәсіби тұрғыдан жақындады. Өрт сөндіру басшысы бола тұрып, аталған аудандардағы ауыл шаруашылық алқаптары мен елді мекендерге жанудың таралуына жол бермеді. 




Кері қайту